Email address kya hota hai? | Email id kya hota hai? | Uttam Jankari

Email address kya hota hai --> Email ek type ki service hai jo electronic devices ko kisi network ke jariye connect karta hai jisse ...........

Uttam jankari mein aapka suvagat hai. Ham phir se apke liye quality information laaye hai, aaj ham bat karege email ke bare mein aur apko isse related bohut sari jankari dege, jisse aapko email ke bare mein sab kuch pta ho aur aap iska faida utha sako. Internet ka use karne wale nearly sabhi log email ki basic jankari rakhte hoge. Yeh log jante hai ki email kya hai? Email account kaise banaye? Email address ka matlab kya hota hai? Email ID banane ka tarika kya hota hai?

Agar aap email address, email id banane ka tarika aur usko use karna jante hai toh bohut achi baat hai but agar aap nahi jante toh koi tension lene ki jarurat nahi hai, yaha aapko milegi puri jankari. Chahe ap basic ho ya professional sabke liye yaha kuch na kuch value addition hoga kyuki ham dheere dheere sare topics cover kar lege. Toh chaliye apne phele questions se start karte hai.

Email kya hota hai?

Email ek type ki service hai jo electronic devices jo kisi network ke jariye log messages send kar sakte hai aur messages ko recieve bhi kar sakte hai. Email ka matlab electronic mail hota hai. Working places, offices, schools aur bhi bohut sari jagah email ab ek essential cheez baan gaya hai. 

Yeh paper pe letter likhne jaisa hi hai aur ham phle letter ko paper pe likh ke usse postman ke jariye usse dusre person tak pucha dete the, ismein time lagta tha aur message agar ek bar bej diya toh ap usse wapas nahi bula sakte the agar woh un tak puch gaya but farak sirf itna hai ki ab paper pe ham na likhke ham unhe apne computer ya smartphone par likhte hai aur ab letter ko dene ke liye koi paise nahi lagte hai aur koi bhi travel cost nahi lagti kyuki yeh kuch seconds mein hi apka message dusre tak pucha dega bilkul free mein. 

Email kaise likhe?

Email, normal letter ki tarah hi ek letter ya document hota hai. Agar apko yeh pata lagana hai ki ham email kyse likh sakte hai toh bas yeh sochiye ki ap ek normal letter kyse likhte hai. 

Ek normal letter likhte time jaise ap sender address, receiver address, date, message pata hota hai aur ap likh dete hai ek letter, aur email likhte time bhi ek dam aisa hi karna hota hai but post office na jakar bas ek click se apka message dusre tak chala jata hai. 

Ab email mein sender address usse person ka email address baan jata hai. Yani ab apko unka naam alag se nahi likhna padta unka naam automatically a jata hai waha. Aur subject likh ke continue kar sakte hai. Iska baad apko data likhna hai jisko aap dena chate hai phir aap simply SEND pe click karke us message ko send kar sakte hai. 

Message ki efficiency aur speed, email ko normal letter se better banati hai. Kyuki apka message bohut jaldi chala jata hai. Aur bhi aise reason hai jo email ko bohut jyada better banate hai baki sab se woh hai uski cost efficiency aur data attachment facilities, aap letter sending ke time pdf files, documents, spreadsheets, images etc add kar sakte hai aur woh apke business ko aur bhi boost karegi.

Mainly, sare email service provider apni service free mein dete hai matlab aap logo ko free mein mail kar paoge aur documents bhi free mein add kar Paoge. Bas apko computer ya mobile ki jarurat hoti hai, internet access me sath. Yeh service offline nahi hai aapko active internet connection chaiye service ka use karke ke liye. 

Email aaj bohut log use karte hai schools, offices, hospitals, legal, for marketing purposes etc. Jab email ka use marketing ke liye hota hai toh usse ham Email marketing khete hai. Aur jankari ke liye ap Email Marketing kya hai? Par ja sakte hai. Iske liye apko ek email id, internet aur email service provider ki jarurat hoti hai aur jiske pas bhi yeh three cheeze hai woh baadi asani se mails ko aap send aur recieve kar sakte ho. 

Ham jante hai ki aap yeh soch rahe hoge ki email id kha hai? Aur email id kaise banaye. Toh chaliye ab yahi baat ko jante hai.

Khud ki email id banane ke liye kya chaiye?

                                           
khud-ki-email-id-banane-ke-liye-kya-chaiye-?
khud ki email id banane ke liye kya chaiye ?

      

Email Id Banane se phele ap yeh Jan le ki apko kya kya chaiye-

1) smartphone ya computer

2) active internet connection

3) email service provider

4) digital knowledge 


Chaliye inko brief mein smajte hai:-

1) smartphone ya computer 

Yeh sabse badi necessity hai aaj ke time ki, agar aapke pas koi low hand pc ya phone hai ap usse bhi email use kar sakte ho, kyuki yeh application jyada badi nahi hoti hai. 

2) active internet connection 

Jaise ki hamne phele bataya hai ki email ek online sevice hai yeh internet ka use karke apke messages (mails) jate hai dusre email address pe. 

 Agar aapke pas uss time pe internet access nahi ho toh aap apna message type karke edit kar sakte hai aur usko as a draft save kar skate hai taki jab apke pas internet access ho tab ap mail send kar sakte hai.

3) Emai service provider 

Yeh sabse important requirements hai, email service provider basically company ya servis provider hai jo apko email use karne ki service deta hai. Aur yahi apko email id deta hai jiske bare mein ham baat kar rahe hai. 


Email service provider ek dam POST OFFICE ke tarah kam karta hai hai aapke messages rakhta hai aur yahi se aapke messages dusre logo tak jate hai. 


Aapke liye choice easy karne ke liye yaha par 5 best email service provider hai:-

1) Gmail - Yeh duniya ka sabse famous email service provider hai aur isko use karna bohut easy bhi hai, gmail se bani Id bohut jagah kam ati hai.

2) Yahoo! - yahoo bhi ek famous email service provider hai aur apko gmail ke baad yahoo! ko priority de sakte hai.

3) Outlook - yeh service microsoft chalta hai. Yeh email service jyada tar log business aur professional email id ki tarah use karte hai. Outlook apko personal email banane ki facilities bhi free mein deti hai.

4) Zoho mail - Zoho mail se bhi ap email id bana sakte hai.

5) Rediffmail - agar aap thora different lagna chate ho toh ap Rediffmail ka use kar sakte ho. Bas yeh pake piche ka naam change kar dega.


4) Digital knowledge

Sabki tools ko use karne ke liye aapko thora digital knowledge honi chaiye warna apko confusion ho sakti hai. Aap youtube pe usko use karna jaan sakte hai.  


EMAIL ID kya hoti hai aur kaise banate hai ?



Ham ek dusre ka first name aur last name jante hai, aur unke rehne ki jagah ka address bhi phir ham asani se unke ghar apna letter, post office se bhej sakte hai.....yahi kuch email mein hai...aapko uss person ka name pata hona jaruri hai wahi email address khelata hai yaha. Email address hi netlock mein emal Id khelata hai. Aur email id banane ke liye email account banana padta hai.

Email account bhi aap gmail, yahoo!, Outlook, Zoho mail and Rediffmail kuch bohut ache service provider hai jo hamne abhi discuss kare ap inko use kar sakte hai. Jab aapka Email account baan jaye toh email program aapko ek email id deta hai jaise abc@gmail.com yeh ek email id hai, Iss email id ko gmail ke jariye banaya gaya hai. 

Email id ke two main parts

abc@gmail.com

(1) username (phela part jo '@' ke aage hai i.e abc)

(2) domain name (dusra part jo '@' ke baad hai i.e gmail.com)

 

Chaliye inke baare mein indepth jankari lete hai :-

(1) Username

Username @ se phela aane wala part hota hai. Yeh email account mein login karne ke liye iska use kara jata hai. Yeh saare users ke liye unique hota hai warna kisi aur ke message kisi aur tak puch jate. Email ki duniya mein issi se aapko identify kara jata hai. Isko ham khud choose karte hai aur chahe toh suggested username bhi ap le sakte hai but apko ispe dyan dena hoga ki woh unique ho warna woh reject ho jaiga. 

(2) Domain name

Email address mein '@' ke baad apne wala part, domain name khelata hai. Yeh unka name hota hai jaha se internet ke jariye kisi particular computer ya organization se apki jankari jati hai. 

Email adress mein .com email service provider ke type ko show karta hai (.com ka matlab hai commercial). Email address mein ek top level domain bhi hota hai, upar diye gaye example mein .com top level domain hai.

(3) '@' ka symbol 

@-ka-symbol
@ ka symbol

@ ko AT bola jata hai. Isko email address ke main parts joki hai username aur domain name ko alag karne ke liye use kiya jata hai. Taki username aur domain name mein confusion create nahi ho. 


Email ke benefits

Email ke benefits aaj kal sab log utha rahe hai aur yeh simple bhi hai. But log email ko kis liye use karte hai woh unpe depend karta hai...kuch log normally school purpose ke liye use karte hai, kuch log commercial purposes ke liye aur kuch normally google applications mein login karne ke liye email address banate hai jisse google unko contact kar paye.

1) Communication

Sabse common aur basic cheez yahi hai ki yeh communication karne ke liye help karta hai kyuki ek tarah se ap message hi dete ho aur communication jaruri nahi ki woh informal hi ho aap formal documents bhi de sakte ho aur mainly email se formal message hi diye jate hai.

2) turant reply

Ab woh time gaya jab ek letter ke liye weeks tak wait karna padta tha ab ham asani se seconds mein aapna messages world ke ek kone se dusre tak pucha sakte hai easily. Aur waha se reply bhi utni hi jaldi a jaiga.

3) Written proof

Email ko aap jala nahi sakte ho nahi aap usko kabhi lost kar sakte hai. Agar aane messages save liye hai aur email ID pata toh aap apne mails ko proof ki tarah use kar skate ho. Aapke mails ko company mail server par save rakhti hai. Toh legal purposes ke liye bhi iska use kiya jata hai.

4) Cheap 

Yeh bohut jyada cost efficient hai aur jyada tar feature sare email service provider le free hi hote hai toh. Email aapka time aur aapke paise dono bachate hai.

5) likhne ki azadi 

Email mein aap jo chahe woh likh sakte hai aur send amr sakte hai. Yeh koi newspaper article ke tarah nahi hai ki yeh sab ek editor ke hath mein hai, yeh aapke hath mein hai. Aap chahe isko likhe ya delete kar de sab aapki marzi hai. Koi bhi aapko rokne wala nahi hai.

6) multimedia 

Email ab sirf word document nahi hai balki ispe aap document jaise spreadsheet, images, pdf etc attach karke send kar sakte ho. 

7) security aur trust 

Email ek surakshit aur trusted sources hai. Yeh aapke message ko har hal mein send karne ki kosis karta hai.....aap ispe 99.99% trust kar sakte hai. 

Aapka mail kabhi bhi pathway ko follow karta-karta disappear nahi hoga. 


Email ke kuch demerit

1) basic knowledge ka hona

Email send aur receive karne ke liye apko email ki basic knowledge honi chaiye agar nahi hai toh aap uska use nahi kar pauge...toh thori knowledge honi chaiye warna aap email service provider ka interface dekh ke kuch ache se smaj nahi pauge.

2) internet ka hona 

Jaisa ki hamne aapko bataya ki email online service hai. Iske liye aapko active internet connection chaiye warna aap bas draft bana ke rakh sakte hai tabhi send nahi kar sakte. 

3) unwanted emails ka ana 

Jaisa ki aap ab Jan hi gaye ho ki email ka use log commercial purposes ke liye bhi use karte hai. Aur sari badi companies email ko send karna bohut preferable smajti hai. Kyuki yeh fast hai aur ek message badi asani se bohut logo tak chala jata hai toh companies easy tarike se aap tak notification pochati hai aur yeh bohut disturbing hota hai. Isse important mails dikhte nahi hai phir problem hoti hai use karne mein.


Email ki history

                                            
Email-ki-history
Email ki history 

Email banane ka kam 1960 ke aas paas hi suru ho gaya tha. But iska koi valid proof nahi hai. But email ne agle 10 years bohut work kiya tha aur apni identity bana li. 1971 mein ARPANET ke ek program "Ray Tomlinson" ke email banaya.

Yeh cheez itni achi hai ki sochiye ab Kilometers ka distance ab seconds mein cover ho jata hai. 

Conclusion

Aaj apne email ke bare mein bohut si cheeze sikhi ki email kya hota hai. Iske kya parts hai. Email se judi bohut sari important terms, email address aur email address ke parts. Username aur domain name ke baare mein bohut si baatein, Email ke merits aur demerit aur finally short mein email ki history. 

Email ko use karna bohut hi easy hai but apko samjna hoga thora sa, yeh bohut important hai aaj ke time pe, email ko use karke aap puri duniya se jud sakte hai, bohut sare platform mein login karne ke liye email id chaiye hoti hai, government websites tak mein inki jarurat hoti hai, toh email ko sikhna jaruri hai. Ab koi bhi messages second mein dusre tak dedo aur reply bhi tabhi lelo, yeh bohut hi jayda excitement dene wala topic hai aur ajj aap iske baare mein bohut kuch jaan ke ja rahe ho.

Ham asha karte hai ki aapko yeh sab smaj mein aya hoga. Phir milte hai ek aur ayesi hi important topic pe. 

Thanks for reading