How to build consumer trust for your business in hindi? || Apne consumers/customers ka trust kaise bnaye apne business ke liye?

Data leak karne aur corruption sabse bade reasons hai ki log ek company ya business par trust nahi karte hai. Par inke alawa kuch chote chote reasons bhi hai jinki wajah se log ek company par trust nahi karte hai. Jaise :-

• Not attentive with customers
• Not an active on social platform
• No updates in company or business
• No correct details
• Incomplete details
• No interaction with consumers

Aaj kal har ek topic pe bohot zyada competition hai to ye zaruri ho jata hai ki aap apne business ko loyal aur trustworthy bnane ki koshish kare. To yaha mai aapko kuch methods btaunga jisse aap apne consumers ke beech trust bna sakte hai.

Consumers ke beech trust kaise bnaye...

Agar aapko apne consumer ke beech accha trust bnana hai to aapko apne consumer se ek accha relation bnana hoga. Iska matlab ki aapko seekha hoga ki kaise ek aacha relation bnate hai apne consumer ke beech taki aapka business grow kar sake.

Aap jo kahe use follow bhi kare.

Concerto Marketing Group and Research Now survey ke hisaab se 82% consumer jo ek brand par trust karte hai wo us brand ko har din use karte hai aur 83% consumer to us brand ko recommend bhi karte hai. Ye jaruri nahi ki aap kya sell karte hai jaruri ye hai ki aap aapne promise ko pura karte hai chahe wo content quality se related ho ya content dilivery se ho jab consumer ko lagega ki aap apne promise ko pura karte ho to wo wapas aapke pass aayenge aur aapke business bhi recommend karenge.

Apne costumers ko online security de.....

Aapke customers jo bhi platform use kare aapki services ko access karne ke liye wo safe honi chahiye. Ek tarika hai aapne site ko safe bnane ke liye ki aap SSL protection se apni site ko connect karna hoga jisse aapki website ke url mai "http" ki jagah "https" show karega jisse ye pta chalta hai ki aapki site safe hai. Agar aap online transaction karte hai to aapko ek safe payment gateway ko choose karna hoga jaise Paytm aur PayPal aur sabse jaruri baat apne customers ko bta dijiye ki aap unke debit card ya credit card info save nahi karte hai.

No bugs no tension !!

Aap apni website ho baar baar check kia karo ki usme koi bug to nahi apne website ko zyada se zyada user friendly bnaye aur apne consumer experience ko accha accha se banane ki koshish kare.

Kam se kam cheeze chupaye...

Agar aapke customers ko aapke products ke baare puri information pta hi nahi chalegi to sari mahnat ka faida nahi hoga. Aap jitna apne products ke baare mai jitna information denge utna hi log aap par trust karenge. Aap ye sari information social media se de sakte hai. Aap kisi third party se reviews likhwa sakte hai jo unbiased ho. Aap logo se apna review dene ke liye bhi bol sakte hai.

Hamesha transparent rahne ki koshish kare >>

Aap apne customers aur investors ko hameshaa feel karaye ki aapki company active hai. Aap social media par active rahe zyada se zyada information dete rahe aur logo ko warn bhi kare jab kisi cheez ki wajah se unka nuksaan ho sakta hai.

Iska matlab ye nahi hai ki aap har ek customer se baat kar ke time waste kare par aap major problem par sabko warning zarur de.

Improve customer service

Agar aapko nahi pta hai ki kaise apne customers ka trust aur confidence ko jeete to uska seedha ans hai ki aap apne customer service ko accha kare.

Customer service se hi aapke company ke baar mai pta chalta hai ki aapki company kaisi hai. Yahi employees aapke customers ke queries ke solve karte hai. Aapko baar baar Check karna chahiye ki ye customer se acche se, respect se, positive hokar baat kar rahe hai ki nahi. Agar aapke customers rude hai phir bhi aapko unse aacche baat karni hai.

Aapko ye dekhna hai ki apke customers aapse aaram se communicate kar sakte hai kyoki agar aapse communicate karne mai customers ko problem hoti hai to wo frustrate ho sakte hai aur kisi aur company par switch kar sakte hai.

Feedback aur response lijiye.

Aapko hamesha aapne customers se feedback aur reviews lene chahiye taki aapke customers ko ye lage ki unke views bhi bohot important hai aapke liye aur aapko unke feedback ki jarurat hai. Aap unke feedback par response de aur unke problem ko solve kare.

Aapke partnership bhi important hai..

Aapke business ki respect bass apke customers par hi depend nahi karti par aapke business partner par bhi depend karti hai. Aap kaise aapne employees ko treat karte hai, aap kaise aapne contactor ko treat karte hai wo bhi bohot important hai kyoki agar aapka product bohot aacha hai par aap apne employees ko acche se treat nahi karte hai to aapke company ki reputation par bohot bura asar padega.

Conclusion

Customer ka trust aapki company ke liye bohot zyada important hai kyoki tabhi wo aapke products buy karenge aur aapki company ko recommend bhi karenge isliye aapne company ke customers ke trust ko andhekha na kare.

Agar aapko ye post aacha laga to ise share kare.